Në spitalin CODRA, në kuadër të segmentit të sëmundjeve interne, kemi repartin e Gastroenterologjisë. Brenda këtij reparti kemi seksione ambulatore dhe spitalore.
Brënda seksionit ambulator kryhen ekzaminime subspecialiste, ekzaminime me ultratinguj dhe endoskopi (ezofagogastroduodenoskopi dhe kolonoskopi).
Pacientët që kanë probleme me organet e tretjes (ezofag, stomak, zorrë e hollë dhe e trashë, mëlçi dhe pankreas) mund të ekzaminohen nga një gastroenterolog dhe të bëjnë një ekografi të barkut në të njëjtën ditë, të kryer nga gastroenterohepatologët tanë me përvojë duke përdorur pajisjet moderne me ultratinguj.
Një ekzaminim klasik me ultratinguj i barkut ofron një pasqyrë të detajuar të madhësisë dhe strukturës së organeve parenkimatike: mëlçisë, shpretkës, pankreasit, sistemit biliar (fshikëzës së tëmthit dhe kanaleve biliare). Duke përdorur këtë metodë, mund të vizualizohet pjesa abdominale e aortës. Është një metodë efektive në zbulimin dhe monitorimin e sëmundjeve të ndryshme të organeve të barkut, si: anomalitë kongjenitale, ndryshimet inflamatore dhe tumorale, prania e lëngut të lirë në zgavrën e barkut, lëndimet.
E RE Duke përdorur aparatin ekografik RS85 Prestige, të cilin në Mal të Zi e gjeni vetëm në spitalin CODRA, mund të përcaktoni shkallën e ngurtësisë së mëlçisë ( elastografi me valë tingulli).
Është një procedurë joinvazive, plotësisht e sigurt, e cila konfirmon ose përjashton fibrozën ose cirrozën e avancuar të mëlçisë. Në këtë mënyrë shmanget biopsia e mëlçisë, e cila është invazive dhe vjen me risqe.
Brenda seksionit ambulator ka një kabinet endoskopie të pajisur me procedura endoskopike që ekzaminojnë ezofagun, stomakun dhe duodenin (“gastroskopia”), si dhe zorrën e trashë me një pasqyrë të pjesës përfundimtare të zorrës së hollë (“kolonoskopia”).
Endoskopitë kryhen në një pajisje endoskopike moderne të prodhuar nga Pentax, e cila falë softuerit special “I-SCAN” mundëson zbulimin e hershëm të të gjitha llojeve të ndryshimeve prekanceroze në membranën e mukozëz, të cilat ndonjëherë nuk mund të shihen duke përdorur vetëm ndriçimin e zakonshëm. Foto dhe video që konfirmojnë raportet endoskopike u vihen në dispozicion pacientëve. Përveç endoskopive diagnostike, edhe endoskopitë terapeutike u vihen në dispozicion pacientëve (heqja e polipeve, ndalimi i gjakderdhjes, zgjerimi i ngushtimit në tubin e tretjes, vendosja e vrimave të ushqyerjes në murin e përparmë të barkut).
Gjithë ekzaminimet endoskopike zhvillohen nën efektin e anestezisë.
Në të ardhmen e afërt, gama e shërbimeve endoskopike do të zgjerohet edhe në trajtimin e angiodisplazive (enëve të gjakut të zmadhuara në mukozën e zorrëve, të cilat shpesh herë janë shkaktare të anemisë) duke përdorur koagulimin e plazmës së argonit.
Ezofagogastroduodenoskopi
Gastroskopia është një ekzaminim endoskopik i pjesës së sipërme të traktit gastrointestinal (GI), i cili përfshin ezofagun (pjesë e sistemit të tretjes, ku ndodh gëlltitja), stomakun dhe duodenin (duodenum). Shkurtimisht EGDS. Ajo kryhet me një instrument endoskopik të quajtur endoskop, i cili ka formën e një tubi të gjatë fleksibël, me një kamera në krye. Gjatë gastroskopisë, është e mundur të merren mostra të indeve për biopsi, ose të kryhen trajtime të caktuara (si p.sh zgjerimi, heqja e polipeve dhe trajtimi i gjakderdhjes).
Kolonoskopia
Kolonoskopia është një procedurë endoskopike, e cila mundëson shikimin e gjendjes së brendshme të të gjithë zorrës së trashë dhe të pjesës fundore të zorrës së hollë. Kolonoskopia kryhet me një instrument endoskopik të quajtur kolonoskop, i cili ka formën e një tubi të gjatë fleksibël, me një kamera në krye. Ajo bëhet me qëllim diagnostikimin e inflamacionit të mukozave dhe ndryshimeve patologjike në zorrën e trashë dhe mund të bëhet edhe për qëllime terapeutike (heqja e polipeve). Gjatë kolonoskopisë mund të merret kampion (biopsi) nga indi abnormal i dyshimtë, i cili dërgohet për analizë histopatologjike.
Kolonoskopia terapeutike përdoret për: heqjen e polipeve, ndalimin e gjakderdhjes, zgjerimin e ngushtimit në tubin e tretjes, vendosjen e një vrime ushqyese në murin e përparmë të barkut…).
Nëse është e nevojshme, pacientët mund të shtrohen në spital. Gjatë qëndrimit në dhoma të rehatshme spitalore moderne, pacientëve u ofrohet diagnostikimi dhe terapia e nevojshme e përcaktuar nga një ekip multidisiplinar, i cili i cili përfshin jo vetëm mjekë gastroenterohepatologë, por edhe specialistë të fushave të tjera të mjekësisë së brendshme si kirurgë, anesteziologë, nëse është e nevojshme.
Trajtime
- Ekzaminimi gastroenterologjik
- Gastroskopia
- Kolonoskopia
- Anosigmoidoskopia
- Polipektomitë
- Kalimi i zorrëve të holla
- MSCT e barkut
- Analiza laboratorike (biokimike, markuesit e tumorit)
